R.K. Wieker Fanfare

Nieuwe Dirigent

Un klein stukske vaan d’n dirizjent vaan de Wieker Fanfaar, St Franciscus. Maag ich mich iers veurstelle. Hub Nickel is de noam. Ich speul cornet/trompet en alle andere kleinkoper instrumente. Geaf doa in och les, doon solo optredens en geaf workshops. Sjpaeal in verschillende symphonie orkeste. (Ich woar tot veur kort verbonde es 1e. Trompettist aan PhilharmonieZuidnederland, ut fusie orkest van Brabant en os vreugere LSO oet Mestreech. Tevens bin ich dirizjent bij verschillende vereinigingen in Limburg. Och in dirigeren geaf ich workshops en combineer dit vaak mit un solo concerten geaf les aan minse die zich bei wille schoeale um neave hunne dirigent ut eige orkest te helpe. De vereniginge die ich gahad höb kom ich noch sjteeds en veual plezeer. Heer Vooruit bv woa ich iere dirizjent bin is doa ein veurbeeld van. Een en al Muziek um zoe mar te zegge. In februari bin ich begonne bei de fanfaar. Noa hun vroag höb ich effekes motte dinke mar ut thoes front wis al meteen dat ut blood kröp woa ut neet goan kin. Höb dan och ginne sjpiets dr vaan dat ich bin begonne. In dees korte tied vaan saame wirke höbbe veer al veual mitgemak. Veural de maneer boeop dit vaanoet de fanfaar is getrotseerd, want dr woar mit zekerheid ein pliech die neet gemekkelijk woar. Ut begraven vaan ein trouw lid, Gaby Stassen, zoe jonk en nog zoe in de blui van ut leave, heat dees fanfaar mit eerbied, waarde en emotie lotte zien welke krach dat ze heat. Vörige weak nog mit ier en vol trots de Stadsprocessie geloape. Ut deene van de gemeenschjap vanoet ut hart en wie serieus ze heimit umsjpringe mak duudelijk boe ze sjtoan. Dit alles mit geweldige humor. Ich hoap nog lang te moage geneete vaan dees mominte, en welliech dat ich langs deze weag uuch dan och maag oetnuadige um persönlijk en mit mich te geneete van ein onmisbare vereiniging binne dees wieker gemeinschjap. 3 juli höbbe veer conzér mit de allerkleinste vaan de basisschjoeal en 17 juli zitte veer och in de wiek te spöle. Welliech dat ich euver eine tied weer get schjrief wie ut is blieve bevalle in uuch dörrupke Tot Gauw

Image title